去得多会长命啲！3大 Blue Zone 旅游 搵食攻略

好多人去意大利都会买咖啡、柠檬糖同朱古力做手信，其实橄榄一样係当地必买特产。行一转超市，你会发现橄榄油款式多到好似红酒咁，有不同地区的出品，亦有不同包装及份量选择，咁到底边个意大利地区生产的橄榄最有质素？相信被誉为 Blue Zone 之一的撤丁尼亚岛（Sardinia）一定有份吧！

从旅游角度睇，撤丁尼亚岛的人气远不及西西里岛或者托斯卡尼，不过名气细唔代表无特色，撤丁尼亚係整个地中海区的第二大岛屿，有相当丰富的天然资源和自然景观。除此之外，呢度人均寿命位列全球之冠，好多岛民都可以活到100岁以上，连国家地理杂誌都封佢为 Blue Zone 长寿区，唔少皇室政要同明星更视之为度假天堂！

 

活到100岁全赖「黄金液体」

要配得上 Blue Zone 之名，撤丁尼亚岛居民何止长寿，仲好健康，相信除咗跟无污染环境和生活习惯有关，亦要归功于饮食，橄榄油就係当地其中一样最不可或缺嘅食材。唔好以为橄榄油好普通，佢有个称号叫「Liquid Gold」，係地中海最珍贵产物之一，古代人甚至会将橄榄油用于宗教仪式，可见佢嘅地位有几神圣。

 

意大利Blue Zone最Top橄榄产地

整个撤丁尼亚岛，以中部地区Sarcidano种植的橄榄最优质，无论係气候、土壤抑或地势上，Sarcidano都为橄榄树提供到成长所需的最佳条件，所以种出来的橄榄特别油脂丰富同饱满，带有浓浓果香，加上水份充足，营养价值亦会特别高，最适合用来製作无添加的初榨橄榄油。如果只可以推荐一款最代表到 Blue Zone 撤丁尼亚岛嘅手信，咁一定会係橄榄油。

 

 

另类天然橄榄手信

除咗不饱和脂肪酸，据讲橄榄油仲含有维他命E同多酚呢2种抗氧化物质，一直以来，意大利人都会将橄榄油加入润肤膏、洗头水、番枧来清洁和滋润皮肤，时至今日，橄榄油product更加係愈出愈多。如果唔想带成支橄榄油番香港，其实都可以考虑买hand cream、skincare或者番枧之类做手信。

作为手信，天然手工枧都係唔算选择。

同场加映：希腊、哥斯达黎加名物

百岁老人聚居地又点会只有撤丁尼亚岛，希腊伊卡里亚岛（Ikaría）及哥斯达黎加尼科亚半岛（Nicoya Peninsula）同样已被列为 Blue Zone ，不过佢哋保持长青嘅秘密并唔係橄榄，而係乳香同绿咖啡。

乳香其实係黄连木树脂，几千年来，希腊人都会用以入药，医治胃肠病。乳香仲有抗菌作用，所以亦被广泛用喺药膏当中，好多科学实验经已证实呢啲古方嘅功效。除咗药品，糖果、朱古力、饼乾、果酱、个人护理物品……，样样都加入乳香，可见希腊人真係完全将乳香融入晒生活。

 

哥斯达黎加拥有肥沃火山土质、温和气候同稳定雨量，一向盛产咖啡，质量绝对受到认可。未经烘焙嘅绿咖啡含大量绿原酸及茶儿素，可以改善身体和皮肤新陈代谢，燃烧多余脂肪，仲可以有效抗氧化，睇嚟呢样就係当地人的青春常驻法宝。